វិធីសាស្ដ្រធម្មជាតិខ្លះៗជួយកម្ចាត់ចៃចេញពីក្បាល

1.ប្រេងដូង + ខ្ទឹមស
យកខ្ទឹមស8-10 កំពឹសកិនឲ្យម៉ត់រួចលាយជាមួយប្រេងដូងមកអនុវត្ដម៉ាស្សាលើស្បែកក្បាលនិងសក់ ។
2. ផ្លែក្រូចសើច
យកផ្លែក្រូចសើចទៅដុតភ្លើង ឬអាំងភ្លើងហើយទុកឲ្យត្រជាក់ពុះច្របាច់យកទឹកមកម៉ាស្សាលើសក់និងស្បែកក្បាល ។ដើម្បីឲ្យមានប្រសិទ្ធភាពគួរប្រើ1អាទិត្យ3ដង ។
3. ប្រេងដូង + ក្រូចឆ្មារ + តែបៃតង
លាយតែបៃតង ទឹកក្រូចឆ្មារនិងប្រេងដូងបញ្ចូលគ្នា បន្ទាប់មកយកល្បាយនោះលាបលើសក់និងស្បែកក្បាល ។
4. ស្លឹកទៀប
យកស្លឹកទៀប5-8សន្លឹកកិនឲ្យម៉ត់លាយទឹកបន្តិច ទៅលាបលើស្បែកក្បាលហើយយកក្រណាត់មករុំក្បាលឲ្យជិតទុកចោលរយៈពេលកន្លះម៉ោងចាំយកចេញ។
5. ស្លឹកស្ដៅ
យកស្លឹកស្ដៅចាស់ៗ 2-3ក្ដាប់មកកិនឲ្យម៉ត់ហើយផ្សំជាមួយទឹកបន្តិចយកទៅម៉ាស្សាលើស្បែកក្បាលទុកចោលរហូតដល់ស្ងួតចាំលាងជម្រះដោយសាប៊ូ ។
6. ស្លឹកញ
យក1ក្ដាប់ដៃមកបុកឲ្យម៉ត់លាយទឹកបន្តិច យកមកកក់សក់ពេលព្រឹកប្រើឲ្យបានរយៈពេល3-4ថ្ងៃ ។ !